Sisikapin ng militar na walang madadamay na sibilyan sa ilulunsad na giyera kontra New People’s Army (NPA).
Ayon kay Armed Forces of the Philippines (AFP) Public Affairs Office Chief Col. Edgar Arevalo, naiintindihan nila kung may pangamba ang mga naninirahan sa mga lugar kung saan may presensya ang NPA matapos magdeklara ang gobyerno ng all-out war.
Gayunman tiniyak ni Arevalo na walang dapat ikatakot ang publiko dahil hindi basta-basta maglulunsad ang militar ng pag-atake laban sa NPA nang walang plano.
Idinagdag ni Arevalo na inatasan na ang lahat ng units nila sa ground na planuhing mabuti ang istratehiya na ikakasa kontra NPA para walang madamay na sibilyan sa giyera.
Report from: Jonathan Andal (Patrol 31)