Nagpasiya ang Armed Forces of the Philippines (AFP) at Philippine National Police (PNP) na magsagawa ng joint campaign planning sa kanilang mga ikinakasang operasyon.
Ito ang inihayag ni AFP Chief of Staff General Carlito Galvez na kanilang napagkasunduan ni PNP Chief Director General Oscar Albayalde kasunod ng kanilang closed door meeting.
Ayon kay Galvez, layunin nito ang masaayos ang mga nakitang kakulangan sa koordinasyon sa pagitan ng AFP at PNP nang sa gayun ay hindi na maulit pa ang nangyaring ‘misencounter’ sa Sta. Rita Samar.
Paliwanag pa ni Galvez, makabubuti kung manggagaling aniya sa itaas ng chain of command ang koordinasyon sa pagitan ng dalawang tropa ng pamahalaan para masigurong makakarating ang kautusan sa operating units.
Sinegundahan naman ito ni Albayalde at iginiit na magiging sentro ng imbestigasyon sa Samar misencounter kung saan naputol ang coordination sa pagitan ng dalawang grupo.
—-