Pinakakasuhan ng administratibo at kriminal ng pamilya ng mga biktima at survivor ng Kentex fire tragedy ang 8 government officials sa pangunguna nina DILG Secretary Mar Roxas at Labor Secretary Rosalinda Baldoz.
Sa kanilang complaint letter sa Office of the Ombudsman, sinabi ng pamilya ng mga biktima at survivors na nais nilang maimbestigahan at makasuhan ang mga dapat managot sa trahedya.
Bukod kina Baldoz at Roxas, nais ng pamilya ng mga biktima at survivor na makasuhan din sina labor NCR Director Alex Avila, DOLE NCR Labor Law Compliance Director Engr. Joseph Vedasto, BFP Chief Director Alx Barayuga, Valenzuela Fire Marshal Supt. Mel Jose Lagan at Fire Safety Enforcement Section Chief Ed Groover Ocullam.
Nakapaloob sa letter complaint ang affidavit ng 49 na survivors at pamilya ng mga biktima ng nasabing trahedya.
By Judith Larino