Naaalarma ang Japan sa natagpuang mga bangka na may mga bangkay ng tao sa Northern Coast na hinihinalang mula sa North Korea.
Ayon kay Yoshihide Suga, Chief Government Spokesman, narekober nila ang walong bangkay sa natagpuang mga bangka sa karagatang sakop ng Akita kung saan malapit sa North Korea.
Dahil dito pinaigting nila ang pagpapatrolya maging ang mga lokal na opisyal at mga mangingisda ay kanilang hinimok na maging alerto at mapagmatyag sa kanilang paligid.
Kasalukuyang patuloy ang imbestigasyon at isasaillaim sa autopsy ang mga natagpuang bangkay.
—-