Nagnegatibo sa tests ang pitong persons under investigation (PUI) sa Region 2 dahil sa COVID-19
Ayon sa Department of Health (DOH) Region 2 sa pitong PUI’s sa Cagayan anim ang nagnegatibo sa pagsusuri.
Hinihintay pa ang resulta ng laboratory tests ng isang 38 anyos na babae na mula sa bayan ng Lasam at mayroong history nang pagbiyahe sa Hong Kong.
Sa Isabela naman negatibo sa pagsusuri ang isang PUI mula sa bayan ng Cauayan.
Hinihintay pa rin ang resulta ng pagsusuri sa dalawa pang pasyente mula sa mga bayan ng Reina Mercedes at Dinapigue na kapwa mayroong history nang pagbiyahe sa Hong Kong.
