Sugatan ang anim katao makaraang tumagilid ang isang pampasaherong jeep sa kahabaan ng Marcos Highway sa Antipolo City.
Wasak na wasak ang unahang bahagi ng jeep habang humiwalay naman sa sasakyan ang dalawang gulong nito.
Ayon sa ulat, mabilis ang takbo at nawalan ng preno ang jeep na may plakang TVL 114 na may biyaheng pa-Cogeo.
Agad namang dinala sa Antipolo District Hospital at Amang Rodriguez Hospital ang mga sugatang pasahero.
—-