Tatlumpu’t walong (38) sibilyan ang patay sa panibagong airstrike ng Russian Air Force sa Deirezzor Province, Syria.
Ayon sa Syrian Observatory for Human Rights, tumatawid ng Euphrates river ang mga biktima na kinabibilangan ng siyam na bata nang umatake ang mga Russian fighter jet.
Tinatangkang tumakas ng mga sibilyan mula sa naturang lugar na kinubkob ng Islamic State.
Gayunman, itinanggi ng Russia maging ng Syrian government na may mga nasawing sibilyan sa kanilang mga airstrike.
Aabot na sa mahigit 330,000 ang namatay sa anim na taong civil war sa Syria.
—-