Tatlumpu’t lima (35) na ang patay sa halos dalawang linggong bakbakan ng Moro Islamic Liberation Front o MILF at Bangsamoro Islamic Freedom Fighters o BIFF sa Maguindanao.
Ito’y upang mapigilan ang paglawak ng puwersa ng Islamic State sa Pilipinas lalo’t kabilang ang BIFF sa mga grupong sumusuporta sa ISIS sa Mindanao.
Ayon kay MILF Peace Panel Chairman Mohagher Iqbal, 15 na ang nalagas sa kanilang hanay simula nang tugisin nila ang mga miyembro ng BIFF.
Mahigit 50 bandido na ang nagpahayag ng kanilang suporta sa ISIS sa Maguindanao na may kaugnayan sa mga miyembro ng Maute at Abu Sayyaf na nakikipaglaban naman sa mga tropa ng gobyerno sa Marawi City.
Naka-sentro ang sagupaan sa bayan ng Datu Salibo at ginagawa anya ng MILF ang lahat ng paraan upang hindi makapasok ang mga BIFF member sa Lanao del Sur at maiwasan ang pagsaklolo sa mga miyembro ng Maute-ISIS.
By Drew Nacino
SMW: RPE