Patay ang tinatayang tatlumpu’t tatlo (33) katao habang pito naman ang sugatan matapos mahulog ang sinasakyang bus ng mga ito sa isang tulay sa India.
Batay sa ulat ng mga awtoridad, patungo sana ang mga biktima sa Hindu Temple sa Northern India nang masira ng bus ang railing sa tulay at dumausdos sa Banas River.
Hindi naman natutukoy pa ang eksaktong dahilan ng aksidente.
Agad namang nagpaabot ng pakikiramay sa pamilya ng mga nasawi si Prime Minister Narendra Modi.
—-
