Tatlong dayuhang sindikato ang tinitignan ng Philippine Drug Enforcement Agency (PDEA) na posibleng nasa likod ng mga natagpuang cocaine sa mga dalampasigan ng ilang probinsya sa bansa.
Ayon kay PDEA Chief Director General Aaron Aquino, posibleng galing sa mga drug syndicates mula sa Colombia, China o sa Golden Triangle ang sunod-sunod na natagpuang mga iligal na droga kamakailan.
Sinabi ni Aquino, nakikipag-ugnayan na rin sila sa kanilang international counterparts para malaman ang pinagmulan ng mga narekober na bloke-blokeng cocaine.
Una nang sinabi ni Aquino, na posibleng diversionary tactic lamang ang pagpapalutang sa mga cocaine para mailusot ang mas malaking shipment ng shabu sa bansa o maaaring ginagamit ang Pilipinas bilang transhipment country.
—-
