Dalawa ang patay habang tatlong iba pa ang nasugatan matapos ang rockslide o pagguho ng mga bato sa isang resort sa San Juan, Batangas dakong 2:30 kaninang madaling araw.
Kinilala ang mga nasawi na sina Maria Luisa Santos at Christopher Cruz, 17 anyos.
Ayon kay San Juan Batangas Police Investigator PO1 Richard King Valenzuela, natabunan ng mga gumuhong bato ang tinutuluyang kwarto ng isa mag-anak sa Kota Keluarga Resort sa Barangay Laiya.
Gawa aniya sa container van ang makeshift room ng tinutuluyan ng mag-anak na nasa tabi at ibaba ng bangin.
Dagdag ni Valenzuela, inabot ng halos walong oras ang retrieval operations sa dalawang biktima na natabunan ng mga gumuhong bato.
