Patay ang dalawang (2) miyembro ng Maute group at isa ang timbog sa operasyon ng mga awtoridad sa Iligan City.
Nakilala ang mga suspek na sina Azzam Ampua Tahir at isang Wowie.
Ayon sa WESTMINCOM o Western Mindanao Command, nabawi ng mga pulis at sundalo ang kinumander na sasakyan ng mga armadong suspek sa negosyanteng si Othelo Adiong na kasama ang ina nito, kanyang asawa at anak.
Nakipagbarilan at nakipaghabulan pa sa mga miyembro ng 4th Mechanized Battalion ang mga suspek hanggang sa mapaslang ang mga ito.
Nabawi naman ang sasakyan at narekober ng mga awtoridad ang isang M14 rifle na may tatlong magazine, 60 rounds ng ammunition at isa pang caliber 45 piston mula sa mga armadong suspek.
By Judith Larino