Arestado ang dalawang estudyante sa kolehiyo sa ikinasang buybust operations ng mga otoridad sa Balagtas, Bulacan.
Ayon kay Bulacan Provincial Police Office Director Col. Chito Bersaluna, nakumpiska sa dalawang college student na may edad 18 at 21-taong gulang ang nasa anim na bloke ng hinihinalang marijuana.
Tinatayang nagkakahalaga aniya ng P1-M ang mga nadiskubreng bloke ng marijuana sa tahanan ng isa sa mga suspek.
Sinabi naman ni Balagtas Police Chief Major Restituto Granil na posibleng galing sa Cordillera ang mga iligal na droga matapos mabatid na umakyat ng Mountain Province ang isa sa mga estudyanteng suspek.
