Dalawang bagong barko ang magagamit na ng BFAR o Bureau of Fisheries and Aquatic Resources sa kanilang kampanya kontra illegal na pangingisda.
Ang dalawang barko na sinimulang buuin noong Enero ng 2016 ay dinisenyo ng Incat Crowther, isang kilalang ship designer at binuo naman ng Josefa Shipways, Inc. sa Navotas.
Tiniyak ng BFAR na ang pagkakagawa sa barko ay naaayon sa pamantayan ng Bureau Veritas, isang international certification agency.
Inaasahang magagamit na ito ng BFAR sa susunod na dalawang buwan sa sandaling makumpleto ang mga kailangang kagamitan sa loob ng barko.
By Len Aguirre