Patay ang labing walo (18) katao habang mahigit sa dalawang daan (200) ang sugatan sa pagsalpok ng tren sa isang truck sa South Africa.
Batay sa ulat, pinilit tumawid ng truck sa crossing ng riles kahit paparating na ang tren at inabot ito.
Bahagi ng tren ang nasunog matapos ang salpukan dahilan kaya na trap ang ilang mga pasahero.
Mahigit 700 pasahero ang sakay ng nadisgrasyang tren na patungo sanang Johannesburg mula Port Elizabeth.
Patuloy ang malalimang imbestigasyon sa insidente.
—-
