Na-bypass sa Commission on Appointments (CA) ang 15 mga miyembro ng gabinete ni Pangulong Rodrigo Duterte.
Ito ay matapos na hindi maisalang at bigong maaprubahan ng CA ang mga miyemrbo ng gabinete matapos na abutin ng recess ng Kongreso para sa 2 linggong halloween break nito.
Ayon kay Majority Leader Isabela Representative Rodolfo Albano, kinakailangang mag-isyu ng Pangulo ng bagong mga appointment sa mga na-bypass cabinet members upang hindi makwestyon ang mga ito.
Kabilang sa mga na-bypass na cabinet members ay sina Justice Secretary Vitaliano Aguirre, Education Secretary Leonor Briones, DTI Secretary Ramon Lopez, Agrarian Reform Secretary Rafael Mariano, Agriculture Secretary Emmanuel Piñol, Tourism Secretary Wanda Teo, DFA Secretary Perfecto Yasay at iba pa.
Kasama rin sa bigong mabigyan ng appointment ang ilang mga ambassador kasama na ang dating mambabatas na si Teodoro Locsin Jr. na itinalaga bilang kinatawan sa United Nations (UN).
By Rianne Briones
