Plano ng mga supporter ni Senador Bong Go na magbarikada sa harap ng Commission on Elections sa Intramuros, Maynila upang pigilan ang mambabatas na magsumite ng withdrawal sa 2022 Presidential Elections.
Sinabi ni Glenn Badon, Executive Director ng Pederalismo ng Dugong Dakilang Samahan, kakausapin nila si Go kaugnay sa pag-atras nito sa nasabing halalan.
Naiintindihan naman anya nila ang desisyon ng senador pero maaaring dala lamang umano ng emosyon ang naging pasya nito.
Tiniyak din ni Badon na handa nilang tulungan si Go upang mapalakas ang loob nito at patuloy na manindigan. —sa panulat ni Drew Nacino
