Hindi nakalusot sa tanong ng mga netizen ang vlogger-youtuber na si Wil Dasovich matapos ding magpost sa kaniyang instagram account ng isang litrato kasama ang aktres na si Carla Humphries.
Kasunod ito ng naging boyfriend reveal post ng kaniyang ex-girlfriend at vlogger-cosplayer na si Alodia Gosiengfiao sa kaniyang social media account.
Sa IG post ni Wil, kaniyang ipinakita ang pamamasyal kasama si Carla na tila nagtataguan sa Urban Light Installation sa Los Angeles County Museum of Art.
Dahil dito, maraming netizen ang nagulat at naintriga kung gumaganti ba si Wil sa naging post ng kaniyang ex-girlfriend.
Matatandaang Nobyembre noong nakaraang taon nang maghiwalay sina Alodia at Wil na umani din ng ibat-ibang reaksiyon sa mga netizen.
