Mapapangiti ka sa unang pasilip ng pelikulang ‘Seven Sundays’ mula sa Star Cinema.
Ang nasabing family comedy drama film ay pagbibidahan ng beteranong aktor na si Ronaldo Valdez kasama sina Dingdong Dantes, Enrique Gil, Aga Muhlach, at Cristine Reyes.
Iikot ang istorya sa isang pamilya kung saan ang karakter ng ama na gagampanan ni Valdez ay kulang na ang nakukuhang atensyon mula sa kanyang mga abalang anak.
Ngunit nang ihayag nitong bilang na ang kanyang mga araw at malapit na siyang mamatay ay napilitan ang mga anak na ilaan ang mga araw ng Linggo para makasama ang ama at makumpleto ang kanilang pamilya.
Sa direksyon ni Cathy Garcia Molina, ang pelikula ay tila pagpapaalala kung gaano kahalagang maipakita ang pagmamahal sa mga magulang.
Sa ngayon ay hindi pa inaanunsyo ang release date ng pelikula.
PANOORIN:
Video Credit: ABS-CBN Star Cinema
—-
