Watawat ng Pilipinas itinaas sa kilalang balwarte ng ASG

Iwinagayway na ng Philippine Marines ang watawat ng Pilipinas sa Tawi-Tawi, isa sa kilalang baluwarte ng Abu Sayyaf bilang patunay na kontrolado ng gobyerno ang nasabing lugar.

Isinagawa ang  flag-raising ceremony sa Panguan Island  ng mga miyembro ng Marines  kasama  ang  Philippine Coast Guard personnel at lokal na komunidad.

Ayon kay Joint Task Force Tawi-Tawi Commander,  Brig. General Custodio Parcon,  kadalasang ginagamit ng mga bandido ang panguan bilang taguan at pahingahan.

Ang Panguan Island  ay matatagpuan sa  Sibutu Channel  na isang international shipping lane kung saan nagsasagawa ng kidnapping activities ang ASG.

Samantala, tiniyak ng militar na hindi makahahadlang ang mga hamong kanilang kinakaharap sa pagpapatrol sa naturang isla.

By Drew Nacino

Comments

comments