Pansamantalang sinuspindi ng lalawigan ng Bohol ang vaccination certification mula sa Vaxcertph bilang isang travel requirements sa mga turistang pupunta sa probinsiya.
Ito’y matapos pumirma si Bohol Governor Arthur Yap ng isang executive order para baguhin ang ilang guidelines hinggil sa travel requirements.
Ayon kay Yap, nagkaroon ng problema sa pag upload ng vaxcert kung saan marami ang naantala dahil dito.
Aniya, ang tanging hinihingi na lamang nila sa probinsiya ay ang vaccination card mula sa LGU, DOH, o BOQ certified vaccine certification.
Samantala sinabi ni Yap na bumuti ang turismo sa Bohol magmula nang tanggalin ang swab test requirement 2 linggo na ang nakararaan.
