Inihayag ng National Task Force against COVID-19 o NTF na ang vaccination program ng pamahalaan ay susi para sa unti-unting pagbubukas ng ekonomiya ng bansa.
Ayon kay NTF medical consultant Dr. Ma. Paz Corrales, kung mas maraming Pilipino ang magpapabakuna laban sa COVID-19 , ligtas na maisasagawa ang face-to-face classes sa bansa.
Bukod dito, sinabi pa ni Corrales, hindi lamang ang sarili ang pinoprotektahan kundi pati na rin ang mga mahal sa buhay lalo na sa darating na Kapaskuhan.
Samantala, hinikayat ni Corrales ang publiko na magpabakuna kontra COVID-19 upang mabilis makabalik ang bansa sa normal.
