Suportado ng Malakanyang ang hakbang ni bagong talagang Tourism Secretary Bernadette Romulo Puyat na pagsumitehin ng courtesy resignation ang lahat ng Assistant at Undersecretary ng kagawaran.
Ayon kay Presidential Spokesperson Harry Roque, buo ang tiwala at suporta ni Pangulong Rodrigo Duterte sa kanyang mga gabinete lalu na ang mga bagong talaga tulad ni Puyat.
Dagdag ni Puyat, hangad din ng Malakanyang ang magkaroon ng panibagong panimula ang mga bagong talagang kalihim ng pamahalaan.
Iginiit pa ni Roque, binibigyan ng kalayaan ng Malakanyang ang mga kalihim na pumili ng sarili nitong management team para na rin sa kanilang epektibong pamamalakad.
