Nakiisa na rin ang University of the Philippines-Mindanao sa panawagan sa pagkamit ng hustisya sa pagkamatay ng flight attendant na si Christine Dacera na natagpuang patay sa isang hotel sa Makati City.
Sa inilabas na pahayag ng unibersidad, hinikom nito ang mga awtoridad na masusing imbestigahan ang insidente at tiyaking maibibigay ang nararapat na hustisya kay Dacera.
Mababatid na nagtapos ng BA Communication Arts si Dacera sa Mindanao campus ng unibersidad.
Magugunitang natagpuang wala nang buhay si Dacera noong Bagong Taon matapos itong mag-party sa City Garden Hotel sa Makati City.
