Magsisimula na ngayong araw ang pagpapatupad ng unified curfew hours sa National Capital Region o NCR.
Ito’y matapos mapagkasunduan ng mga Alkalde ng NCR na paiigsiin ang curfew mula alas-10 ng gabi hanggang alas kwatro ng umaga.
Ang naturang hakbang ng Metro Manila Mayors ay para mapagbigyan ang mga manggagawa sa NCR.
Samantala, sinabi ni San Juan City Mayor Francis Zamora, may ilang pagbabago ang kanilang ipinatupad sa kanilang lungsod tulad ng pagtanggal ng liquor ban simula ngayong araw.— sa panulat ni Rashid Locsin
