Inurong ng Department of Labor and Employment ang pagpapatupad ng unang sigwada ng dagdag-sahod para sa mga minimum wage workers ng Metro Manila sa darating na Sabado, Hulyo 25.
Nabatid na nakatakda sanang ipatupad ang 60 pesos na minimum wage increase kahapon, Hulyo 19.
Ayon sa Department of Labor and Employment, kinailangan nitong iurong ang pagpapatupad ng dagdag-sahod dahil magiging epektibo ang wage order sa Hulyo 25, na 15 araw matapos itong paglalathala ng naturang kautusan noong Hulyo 9.
Samantala, nananatiling nakatakda ang karagdagang 25 pesos na minimum wage increase sa Enero 20, 2027.
Bagama’t nasa 95% ang compliance rate sa Metro Manila, ipinaalala ni Labor Secretary Francis Tolentino sa mga employer na ipatupad ang naturang dagdag-sahod upang makaiwas sa multa at pagkakakulong.
Nauna nang tinawag ng mga labor group na kulang ang dagdag-sahod, habang iginiit naman ng mga business group na malaking hamon ito para sa mga negosyante. | sa panulat ni Anjo Riñon
