Nabawi na matapos ma-hack ang Twitter account ng Public Information Office (PIO) ng Pasig City Government nito lamang Sabado ng gabi.
Nabatid na pinalitan ng hacker ang pangalan ng Twitter page ng Pasig PIO ng ‘PASIG.eth,’ habang ang BIO o deskripsyon ng account ay pinalitan din at ginawang ‘Co-founder ng @azukiofficial at former character art director ng @playoverwatch. Pixel Art enthusiast.
Bukod sa ginawang pagtweet ng hacker, pinalitan muli nito ang Twitter page at nagpadala ng mga Spam tweets, kung saan nag-tagged pa ng mga random users sa naturang social media platform.
Ayon sa Pasig PIO, agad nilang naibalik ang kanilang twitter account matapos ireport sa mga otoridad. —sa panulat ni Angelica Doctolero
