Kinasuhan ng Department of Justice o DOJ sa Pasay City Regional Trial Court (RTC) ang isang Korean- American drug supplier na tumatakas matapos ma-operahan sa East Avenue Medical Center.
Si Jun No Na ay mayroong aliases na ‘Justine’ at ‘Jazz’ ay sinampahan ng kasong paglabag sa Comprehensive Dangerous Drugs Act dahil sa pagbebenta ng 140 tableta ng ecstasy sa isang entrapment operation sa parking lot ng isang Indian restaurant sa Mall of Asia Complex noong April 5.
Ang nakumpiskang party drugs kay No ay nagkakahalaga ng P420,000.00.
Una nang kinasuhan ang isang Darleen Soeyang Son na umano’y kasabwat ni No at dalawang (2) pulis na nagbabantay sa Korean-American drug suspect.
By Judith Larino
