Ipinagtanggol ng Malakaniyang si Transportation Secretary Arthur Tugade.
Ito’y matapos ipapanawagan ni Senator Grace Poe ang pagbibitiw ng kalihim sa pwesto.
Ayon kay Presidential Spokesman Salvador Panelo, nananatili pa rin ang suporta at tiwala ng palasyo kay Tugade.
Giit ni Panelo, walang dahilan para magbitiw ang kalihim sa pwesto.
Dagdag pa ni Panelo, inilatag lamang ni Tugade sa Senado kung bakit kailangan ni Pangulong Rodrigo Duterte ang emergency powers ngunit hindi umano ito ipipilit ng presidente kung hindi ito ibibigay sa kaniya.
Una rito sinabi ni Poe na dapat nang mag bitiw si Tugade dahil bigo itong maresolba ang problema sa trapiko.
