Mas mataas pa rin ang trust rating ni Senador Grace Poe kaysa kay Vice President Jejomar Binay.
Bagama’t hindi pa inilalabas ng Pulse Asia ang trust rating report nito sa mga senador, kinumpirma ni Pulse Asia Research Director Dra. Ana Maria Tabunda na 93% ang trust rating ni Poe.
Ayon pa kay Tabunda, point 4% lang din ang disapproval rating ni Poe habang 6% naman ang undecided.
Lumalabas pa sa datos na nasa 83% naman ang approval rating ni Senador Francis Escudero na lumulutang na posibleng makatambal ni Poe sa 2016 elections.
Ipinabatid na rin ni Tabunda ang approval rating ni Senador Miriam Defensor Santiago sa 81%, 76% naman si Senador Alan Peter Cayetano at 70% kay Senador Ferdinand Bongbong Marcos.
Samantala, 68% ang approval rating ni Senador Vicente Sotto III, 65% kay Senador Loren Legarda, 64% si Senador Ralph Recto, 61% si Senador Sergio Osmeña III at 55% naman kay Senador Antonio Trillanes IV.
By Judith Larino
