Sinunog ng mga hinihinalang miyembro ng New People’s Army (NPA) ang isang trak na naglalaman ng saging habang bumabaybay sa national highway sa Makilala, Cotabato.
Ayon kay Caesar Bangot, Chairman ng Barangay Batasan, sampung (10) armadong lalaki ang humarang sa truck at inutusan ang driver at kasama nitong iwan na ang sasakyan.
Kaagad binuhusan ng mga rebelde ng gasolina ang trak at sinunog na ikalawang beses nang nangyari umano sa bayan ng Makilala.
Ang truck ay pag-aari ng isang lokal na negosyante na kinuha ng isang malaking banana firm para i-biyahe ang produkto mula Datu Paglas, Maguindanao patungong Davao City.
By Judith Larino
