Pinag-aaralan pa pamahalaan kung tuluyan nang ipagbabawal na ang lahat ng uri ng online gambling sa bansa.
Ito’y ayon kay Executive Secretary Lucas Bersamin, matapos tanungin kung iaanunsiyo ba ni Pangulong Ferdinand Marcos Jr. sa ika-apat na State of the Nation Address ang total ban sa online gambling.
Sinabi ni Exec. Sec. Bersamin, tinutukoy pa ng pamahalaan ang ibang anyo ng online sugal na hindi konektado sa mga scam o panloloko sa internet.
Nabatid na sa SONA ni Pangulong Marcos noong nakaraang taon ay inanunsiyo nito ang tuluyang pag-ban sa operasyon ng POGO sa bansa.
Gaganapin ang ika-apat na SONA ng Pangulo sa Hulyo A-bente otso, sa Batasang Pambansa.
