Hindi pa rin natitinag ang Toronto Raptors sa top spot ng Eastern Conference Division ng regular NBA season.
Nalusutan ng Raptors ang Washington Wizards sa score na 102-95 sa kabila ng homecourt advantage ng Wizards.
Bagaman naungusan ng 14 points ang Raptors sa mga unang minuto ng first quarter, rumesbak ang team sa pangunguna ni Demar Derozan na nagpakawala ng 23 points habang nag-ambag ng 17 points si Cj Miles.
Kumamada naman ng 24 points si Otto Porter Junior at 23 points si Bradley Beal para naman sa Washington.
Naitala ng number 1 team sa eastern conference ang kartadang 44-17 habang nakapako sa 4th spot ang Wizards sa standing na 36-27.
