Hindi maitago nina Toni Gonzaga at Direk Paul Soriano ang kanilang kasiyahan sa pagdating ng kanilang baby boy.
Kapwa nag-post ang mag-asawa ng mga unang larawan ng kanilang panganay na si Severiano Elliott o baby Seve.
Meron ding sariling Instagram account ang baby matapos na i-tag ng actress-host sa kanyang post ang @severianoelliott.
Para naman sa kapatid ni Toni Gonzaga na si Alex, si baby Seve ‘ang cutest baby in the world’, sinabi nitong masaya at nagpapasalamat siya na naisilang ng kanyang ate si baby Seve nang maayos.
Nitong Biyernes lang ay isinilang ni Toni si Baby Seve via normal delivery.
Matatandaang ikinasal sina Toni at Paul noong Hunyo ng nakaraang taon.
Photos: Screengrab from Paul and Toni Soriano's / Alex Gonzaga / Instagram