Nagsimula nang maramdaman ang mas malamig pang temperatura sa Baguio City.
Ito ay matapos maitala sa 13. 6 degrees Celsius ang pinakamababang temperatura sa lungsod kaninang umaga.
Ayon sa PAGASA-Baguio patuloy na bababa ang temperatura sa lungsod at maging sa lalawigan ng Benguet sa mga susunod na araw o hanggang sa buwan ng Pebrero ng susunod na taon.
Asahan naman na ang 2 sentigradong mas mababa pa ang temperatura sa mga matataas na lugar sa Benguet tulad ng Atok at maging sa Mount Pulag sa bayan ng Kabayan.
Magugunitang pumapalo lamang sa 6.3 degrees Celsius ang pinakamababang temperatura sa kasaysayan nang tinaguriang summer capital of the Philippines nuong January 19, 1961.
By: Judith Larino
