Nakatakdang bumiyahe pa-Australia ang Team Pacquiao sa darating na Sabado, Hunyo 24.
Dedepensahan ni People’s Champ Manny Pacquiao ang kanyang welterweight title kontra Australian Boxer Jeff Horn sa Brisbane Suncorp stadium sa July 2.
Live na mapapanood sa ESPN Network ang paghaharap nina Pacquiao at Horn.
Batay sa isang ulat sa Los Angeles Times, ito ang kauna-unahang pagkakataon na maeere ang laban ni Pacquiao sa ESPN simula noong 2005.
Halos lahat ng mga laban ni Pacman ay exclusive na ineere ng HBO, pero noong 2016, binitawan na ito ng nasabing network.
By: Meann Tanbio
