Lumutang na ang taxi driver na susi umano sa kuwestyonableng pagkaka-patay ng mga pulis Caloocan sa labing siyam na taong gulang na si Carl Angelo Arnaiz.
Sa ngayon ay nasa kustodiya ng Ecumenical Church rights group na “Rise Up For Life and For Rights” si Tomas Bagcal, driver ng R and E taxi.
Ayon sa grupo, noon pang Setyembre 4 nang magsailalim sa kanilang kustodiya si Bagcal o isang araw bago ang senate hearing hinggil sa pagpatay kina Arnaiz at labimpitong gulang na si Kian Loyd delos Santos.
Magugunitang nawala si Bagcal matapos madiskubre ng mga magulang na Arnaiz ang labi nito sa siang punerarya sa Caloocan City, sampung araw makaraang mapaulat na nawawala ang binatilyo.
Ang nabanggit na tsuper ang sinasabing hinoldap ni Carl noong gabi ng Agosto 18.
