Nagsampa na ng reklamo ang Public Attorney’s Office at mga magulang nina Carl Angelo Arnaiz at Reynaldo de Guzman sa Department of Justice laban sa mga Pulis Caloocan na itinuturong pumatay sa mga binatilyo.
Bukod kina Police Officers 1 Jeffrey Perez at Ricky Arquilita, kinasuhan din ng PAO ang taxi driver na si Tomas Bagcal bilang conspirator sa pagpatay kina Arnaiz at De Guzman alyas Kulot.
Personal na pinanumpaan sa harap ni Senior Assistant State Prosecutor Maria emilia VICTORIO ng mag-asawang Carlito at Eva Arnaiz gayundin nina Eduardo at Lina Gabriel ang kanilang reklamo laban sa mga respondent.
Bukod sa 2 counts of murder ay mayroon pang karagdagang kasong torture, planting of evidence sa ilalim ng Section 29 ng Comprehensive Dangerous Drugs Act of 2002 Comprehensive Firearms and Ammunition Regulation act ang isinampa laban sa mga pulis.
Ulat ni Bert Mozo
SMW: RPE
