Kumpiyansa ang Department of Tourism o DOT na maaabot ang target nitong 7.4 milyong turista sa bansa ngayong taon.
Ayon kay Tourism Secretary Bernadette Puyat, positibo sila dahil sa pagdami ng bilang ng Chinese tourist na bumibisita sa bansa pati na rin mga Australyano.
Inaalok umano rin nila ang iba pang magagandang destinasyon sa bansa na maaaring puntahan ng mga turista upang maibsan ang epekto ng pagsasara ng Boracay.
Tiwala din si Puyat na malaki ang tulong ng pagbubukas ng bagong Mactan International Airport gayundin ang Panglao Airport sa Bohol.
—-
