Hindi na uubrang tumambay na lamang sa mga presinto ang ilang pulis.
Ito ayon kay incoming Philippine National Police (PNP) Chief Ronald dela Rosa ay dahil palalabasin niya ang mga pulis para magpatrolya sa kalsada kontra kriminalidad.
Sinabi ni dela Rosa na magpapatupad siya ng malawakang balasahan para malagyan ng matitinong station commander ang mga presinto.
Samantala, kinontra ni incoming PNP Chief Ronald dela Rosa ang pahayag ni outgoing Department of Interior and Local Government (DILG) Secretary Mel Senen Sarmiento.
Kaugnay ito sa pagbubunyag ni incoming President Rodrigo Duterte na 32 alkalde sa bansa ang sangkot sa operasyon ng illegal drugs.
Sinabi ni dela Rosa na maaaring tanging si Sarmiento na lamang ang hindi nakakaalam sa nasabing impormasyon na lantad na rin sa mga mamamayan.
By Judith Larino