(Updated)
Pansamantalang isinara ang Tacloban airport dahil sa pagkasira ng gulong ng isang eroplano ng Air Asia kaninang umaga.
Galing Maynila ang Airbus 320 aircraft ng Air Asia nang tumigil ito sa dulong bahagi ng runway dahil sa na-stuck na gulong at tuluyang pinababa ang mga pasahero sa pamamagitan ng staircase.
Isang flight papuntang Tacloban ang na-divert na sa Cebu habang dalawa naman ay nanatili sa Ninoy Aquino International Airport o NAIA terminal 3.
Matapos ang mahigit tatlong oras ay binuksan na rin ang paliparan at bumalik na sa normal ang operasyon nito.
(Ulat ni Raoul Esperas)
