Posibleng magkaroon ng taas-sahod sa susunod na taon.
Ito ang sinabi ni Labor and Employement Secretary Bienvenido Laguesma, subalit ang pinal na desisyon hinggil dito ay nasa Regional Tripartite Wages and Productivity Boards.
Nilinaw naman ng kalihim na walang siyang pinal na pahayag sa nasabing usapin dahil isa ito sa mga tungkulin ng wage board.
Giit ni Sec. Laguesma, hindi nagtatapos sa pagpapalabas lamang ng wage order ang tungkulin ng wage board.
Iginagalang din ng opisyal ang pangangailangan ng RTWPB na panatilihin ang kanilang integridad at kredibilidad sa pagiging impartial nang walang anumang impluwensya.
