Arestado ng mga otridad ang suspek sa pagbaril-patay sa isang empleyado ng Bureau of Customs (BOC).
Kinilala ng Manila Police District ang suspek na si Ricmoreno Paja, na empleyado din ng BOC at nahaharap sa patong-patong na mga kaso.
Ayon kay Police Maj. Philipp Ines, tagapagsalita ng Manila Police District, nakuhanan ng baril at pampasabog ang suspek na si Paja at napag-alaman ding sangkot ito sa pamamaril sa isa pang empleyado ng BOC noong January 14.
Sa ngayon, inilagay na sa Inquest proceedings dahil sa paglabag sa Comprehensive Law on Firearm and Ammunition, Omnibus Election Ban at Illegal Acquisition of Explosives ang suspek.
Tinitignan nadin ng mga otoridad kung may kaugnayan o iisa lang ang suspek sa paghagis ng granada noong nakaaraang linggo sa parking lot ng tanggapan ng BOC.
Nakikipag-ugnayan narin ang Manila Police District sa BOC para matiyak ang kaligtasan o seguridad ng mga empleyado habang hinihintay nalang ang kasong ihahain ng nasugatang empleyado ng BOC laban sa suspek. —sa panulat ni Angelica Doctolero