Posibleng ituring nang pangunahing suspect sa Davao City night market bombing ang isa sa apat na persons of interest sa insidente.
Ayon kay Chief Supt Manuel Gaerlan, hepe ng PNP Region 11, kung ibabatay sa pahayag ng mga testigo, lumalabas na malaki ang partisipasyon ng isa sa mga persons of interest.
Batay sa pahayag ng mga testigo, nakita ang lalake na nag iwan ng bag sa lugar matapos magpamasahe ng talumpung minuto.
May nagtangka di umanong ihabol ang bag sa lalake subalit tuloy tuloy lamang itong umalis.
Pagkalipas ng ilang minuto ay naganap na di umano ang pagsabog na ikinasawi ng labing apat katao at ikinasugat ng mahigit sa animnapung iba pa.
By: Len Aguirre
