Hindi iaaasa ng susunod na liderato ng Philippine National Police (PNP) sa kanilang sariling statistics ang pagtukoy kung naging matagumpay ang kanilang kampanya kontra krimen at iligal na droga sa loob ng anim na buwan.
Ayon kay incoming PNP Chief, Gen. Ronald dela Rosa, magsasagawa sila ng sariling survey para malaman kung nararamdaman ng publiko ang pagsugpo ng pulisya sa iligal na droga at krimen.
Publiko lamang anya ang makapagsasabi kung nagtagumpay sila sa kanilang misyon pagkatapos ng anim na buwan.
Kailangan anyang maramdamn ng mga Pilipino na ligtas sila sa loob man o labas ng kanilang bahay.
Tiniyak din ng heneral na hindi nila dodoktorin ang kanilang ilalabas na crime statistics para lamang magpapapogi.
By Drew Nacino | Jonathan Andal (Patrol 31)
