Itinuturing na magandang balita ng AFP o Armed Forces of the Philippines ang panibagong pahayag ni Pangulong Rodrigo Duterte.
Ito’y makaraang dagdagan ng Pangulo ng 10 Milyong Piso ang bounty para kay Abu Sayaf Leader at ISIS Emir na si Isnilon Hapilon habang tig Limang Milyong Piso naman ang iginawad na patong sa ulo sa magkapatid na Omar at Abdullah Maute.
Ayon kay AFP Chief of Staff General Eduardo Año, patunay lamang ito na pursigido ang administrasyon na tuldukan ang terorismo sa bansa.
Kasunod nito, umaasa si Año na sa pamamagitan ng hakbang na ito ng Pangulo, makukuha nila ang parehong suporta na ibinigay sa kanila ng mga lokal na pamahalaan at mga residente ng Marawi tulad nuong sagupain nila ang puwersa ng Abu Sayaf sa Bohol.
By: Jaymark Dagala / Jonathan Andal
