Nilamon ng apoy ang isang bahay sa bahagi ng 9th at 10th Street sa Barangay 183, Villamor, Pasay City.
Ayon sa Bureau of Fire Protection-National Capital Region (BFP-NCR), sumiklab ang sunog mag-a alas-11 ng umaga na umakyat sa ikatlong alarma bago idineklarang fire under control alas-12:16 kahapon ng tanghali.
Ayon sa mga otoridad, apektado ngayon ang 16 na pamilya na pansamantalang nanunuluyan sa isang court ng nabanggit na lugar.
Patuloy pang inaalam ng mga otoridad ang sanhi ng sunog at kung magkano ang halaga ng naabo o napinsalang ari-arian sa naganap na sunog.
