Itinakda na sa Lunes, September 19 ang State funeral para kay Queen Elizabeth II.
Ito ay matapos mamayapa ang Reyna nitong Biyernes, oras sa Pilipinas, sa edad na 96.
Pagkumpirma ng Buckingham Palace, alas-11 ng umaga gaganapin ang funeral sa West-Minster Abbey sa London.
Dadalhin ang kabaong sa layong 180 miles o 290 kilometers mula sa remote estate papuntang Palace of Holy-Rood-House sa Edinburgh.
Pagkatapos nito, dadalhin ang labi sa St. George’s Chapel sa Windsor Castle, kanluran ng London para sa Committal service.
Kasalukuyang nasa Oak coffin ang labi ni Queen Elizabeth sa ballroom ng Balmoral Castle sa Northeast Scotland.
