Aabot sa mahigit 1,600 mga PUV’S o Public Utility Vehicles sa Sta. Rosa, Laguna ang nasampolan ng Tanggal Bulok, Tanggal Usok Campaign ng I-ACT o Inter-Agency Council on Traffic.
Kabilang sa mga nasita sa isinagawang inspeksyon ang mga jeepney at iba pang pampublikong sasakyan na bumibiyahe na nagbubuga ng maitim na usok o di kaya’y mga bulok at kakaragkarag.
Nasampolan din ang mga motorcycle riders na hindi sumusnod sa batas trapiko tulad na lamang ng pagsusuot ng helmet na mahigpit ding ipinatutupad.
Kasabay nito, nagtalaga naman ng mga bus at military truck ang I-ACT para alalayan ang mga naperhuwisyong pasahero sa pamamagitan ng libreng sakay na iniaalok nito.
Posted by: Robert Eugenio
