Nanindigan si Senate President Vicente “Tito” Sotto, III na hindi niya umano sinusuportahan ang naging panawagan ng mga kandidato sa pagkapangulo na mag-withdraw na si Vice President Leni Robredo sa 2022 Presidential Race.
Ayon kay Sotto, walang kinalaman sina Senator Panfilo “Ping” Lacson at dating defense secretary Norberto Gonzales dahil sarili umanong intensiyon ni Manila City Mayor Francisco “Isko” Moreno ang nasabing panawagan.
Sinabi ni Sotto na hindi sila umaatras sa kanilang laban kaya itigil na ang pag-iisip na sila ay magbubuklod upang labanan ang anumang bagay na magpapabagsak sa malinis, tapat, at maayos na halalan.
